Back كاترين إنجيسدوتر من السويد Arabic Кацярына Інгесдотэр Шведская Byelorussian Kateřina Ingesdotter Švédská Czech Αικατερίνη Ίνγκεσντοτερ της Σουηδίας Greek Katarina Ingesdotter English Catherine Ingesdotter French Katarina Ingesdotter ID Катарина Инјесдотер Macedonian Катарина Ингесдоттер Russian Katarina Ingesdotter Swedish
Katarina Ingesdotter a oa ur briñsez svedat eus an XIvet kantved, hag a zimezas d'ar priñs danat Björn Järnsida.
Merc'h e oa da Inge Stenkilson, pe Inge an Henañ, roue Sveden, ha d'e bried Helena Sveden. C'hoar e oa da Kristina Ingesdotter ha da Margrete Fredkulla, a oa koshoc'h egeti.
He c'hoar Kristina a zimezas er bloavezhioù 1090, ha Margrete in 1101. Katarina a vije bet ganet war-dro 1100, hag en oadoù gant he fried.
Mervel a reas he zad e 1110, ha war e lerc'h e renas e nized. Katarina a oa bugelig c'hoazh en amzer-se, hag he c'hendirvi eo a renas neuze. He mamm intañvez en em dennas da abati Vreta. He c'hoar henañ Kristina a oa o chom e Rus' Kiev, ha ne voe roet mann dezhi eus hêrezh he zad. He c'hoar all Margrete a oa rouanez Danmark, ha rannañ a reas he madoù a-berzh tad gant he nizez Ingrid e Norvegia, hag he nizez Ingeborg e Danmark.
Katarina n'eus ket anv anezhi en afer-se, met dre ma oa ar verc'h dizimez nemeti a chome e Sveden e rankas bezañ hêrez dezhi.